FARO DE VIGO EUROPA PRESS- MERCADILLO FUNDACION REFUXIO DE BANDO - 3, 4 e 5 xaneiro!!!

FARO DE VIGO EUROPA PRESS- MERCADILLO FUNDACION REFUXIO DE BANDO

Eles faríano por ti
O Refuxio de Bando, en Santiago, organiza a segunda edición do seu mercado solidario os días 3, 4 e 5
11:35

VOTE ESTA NOTICIA

EUROPA PRESS A Fundación Refuxio de Animais de Bando organizará en Santiago os próximos días 3, 4 e 5 de xaneiro un mercado solidario para recadar fondos para os animais residentes nas súas instalacións, que superan os 500.

Así, tras a "grande acollida" que tivo a primeira edición deste mercado --os pasados 18 e 19 de decembro--, os responsables da Fundación decidiron repetir a experiencia "aproveitando o novo ano e a chegada dos Reis Magos".

No mercado, que se celebrará na construción situada sobre a Praza de Galicia de Santiago de Compostela entre 11.30 horas e 19.30 horas, venderase material de segunda man, novo e usado, cedido de forma "gratuíta e totalmente desinteresada" por voluntarios e persoas alleas ao centro.

Ademais, tamén se porá á venda material para os animais domésticos que se pode atopar no centro da Fundación Refuxio de Animais de Santiago.

A Fundación inverterá así o recadado con esta actividade en continuar co seu proxecto naquelas iniciativas relacionadas co benestar animal, tales como a xestión de adopcións e acollidas, o coidado dos animais residentes no refuxio e a atención veterinaria, a realización de campañas de concienciación sobre protección animal e a difusión de boas prácticas en canto a animais domésticos, entre outras cuestións.

Calquera persoa que desexe colaborar coa iniciativa, ademais de participar na compra, poderá doar o material que desexe no propio Refuxio de Bando.