Can abandoado en Ames

A tarde do 30 de abril a iso das 18:00, pasabamos no coche pola zona de Bertmairáns no concello de Ames. Vin un can e algo que me pareceu sospeitoso polo que demos volta a ver se todo estaba ben.Cando chegamos atopamos un can de tamaño grande amarrado de mal xeito a unha sinal de información turística do concello. Tiña varias bridas plásticas a modo de eslavóns de cadea atadas da sinal ao pescozo do animal. Víase contento e non estaba ferido pero tiña moita sede (Recordade o día de calor que fixo). O primeiro que fixemos foi buscar auga. Antes de desatalo chamei á policía local de Ames coa intención de denuncialo feito de abandono do animal e que puidesen ver cómo estaba atado o animal. A miña sorpresa é que o primeiro que me di a policía tan alegremente é que non me preocupe de nada e que siga co meu paseo xa que xa están ao tanto de que o animal se atopa alí, xa que foron eles quen o ataron.Os que me coñezades, xa vos imaxinades cal foi a miña reacción ante tal resposta pero para os que non, vos digo que lles pedín todo tipo de explicacións e de indicacións de que o animal non podía estar alí atado. O momento máis célebre da conversación telefónica foi cando me di o axente co que estaba falando que "era un procedemento temporal ata que puidesen avisar á persona encargada de medio ambiente para que se fixese cargo del xa que era un venres festivo e ese servizo non funciona nin os festivos nin os fins de semana. E que a súa actuación fora a máis apropiada xa que o can estaba pola rúa e que atándoo xa fixeran máis do que estaban obrigados a facer él." Nesta situación, como é obvio, pedín que viñesen ó lugar xa que non estaba disposta a deixar alí o can atado ate o luns se é que lles acordaba dar o aviso...Cando chegaron, me pediron a identificación para darme a "custodia" do can (como se non o puidese haber levado ninguén) e tras unha longa conversación decidimos facernos cargo do can.Levámolo ao Refuxio e alí segue sen que ninguén o reclame. Esta denuncia non está dirixida unicamente á actuación policial senón á administración do concello que non contempla que os animais se poidan extraviar ou ser abandoados os días festivos e fins de semana, e moi especialmente á xente que nun día tan bonito como foi ese venres, camiñaba por ese paseo e non se dignou a mirar para él.
Kelly