Madonna como no...

Cómo é posíbel que aínda non falásemos no blog de Mado? Ela chegou en novembro nun estado moi malo. Aínda que xa xa era maior para ter descendencia,cruzárona seguramente co obxectivo de ter pequenos pointer para a utilizalos logo no estupendo deporte da caza. Houbo que tratala para cortarlle o leite, e logo esterilizala. Madonna seguro que foi explotada como mamá para criar durante toda a sú vida, e como premio, cando foi vella,abandonárona. Ela é desas cadelas que só quere xente, está na parte "humana" do refuxio, porque coa súa idade xa non soportaría o frío dos canís. Temos que botala fora para que lle dé un pouco o aire, e enseguida se pon na xanela para dar pena e volver para dentro. Só quere mimos e unha cama confortábel onde descansar de todo o que leva traballado na súa vida. É unha compañeira ideal para nenos e nenas, porque é moi paciente e intelixente. Cun pouquiño de atención é totalmente feliz, e cunha larpeirada, será a túa amiga leal para sempre. Susana