martes, 8 de diciembre de 2009

BOMBEIROS DE ORDES RESCATAN UNHA GATIÑA GRAZAS Á INTERVENCIÓN DUN VOLUNTARIO DE ABEIRO

Onte, domingo seis de decembro, unha veciña de Sigüeiro, concello de Oroso, ponse en contacto con Abeiro para informar da presenza dun gato no medio do río. O gatiño, atopábase aillado no medio dunhas silveiras como consecuencia das inundacións provocadas pola intensa chuvia do sábado pola noite. A veciña indícanos que é imposíbel acceder a el, e pídenos axuda.Como é ben sabido, o concello de Oroso é outro dos numerosos concellos do noso país que incumpre a lei de protección animal, e polo tanto, non ten nin refuxio nin persoal para rescatar aos animais abandonados ou que se atopan en perigo como é o caso deste gato. Ante esta situación, un voluntario de Abeiro acude ao lugar, e comproba que non pode chegar ao gato sen material . Chama ao 112, quen envía a Protección Civil, que, pese aos esforzos e boa vontade da persoa que acude, tampouco pode salvalo pola insuficiencia de medios que aporta. Grazas á insistencia do voluntario,consigue que acudan os bombeiros de Ordes, que salvan ao gatiño, que resulta ser unha gata á que se lle pon de nome Tambre. Desde Abeiro queremos agradecer aos bombeiros de Ordes o seu esforzo, e amabilidade, ao noso voluntario a súa insistencia, e á veciña de Sigüeiro que nos tivese chamado para contarnos á situación. Grazas a toda esa xente a gata está viva, pero agora precisa un lugar onde a coiden moito, por iso facemos un chamamento para buscarlle un fogar definitivo. Por outra parte, censuramos unha vez máis o incumprimento da lexislación por parte do concello de Oroso, e anunciamos que presentaremos unha queixa ante o Valedor do Pobo por deixadez das súas funcións.

No hay comentarios: