miércoles, 6 de abril de 2011

Tardes de Sol no Refuxio de Bando

por Estela Solar Carballada o Mércores, 06 de Abril de 2011

FOTOS DE OLALLA

E alí ía eu... co sol reflexando nos cristais, o calor do coche golpeando os asentos. Era o meu primeiro día de "verán" subindo ao Refuxio de Bando e estaba tola de contenta. Por fín, en moitos días, íamos poder pasear aos cans coma se non houbese mañá! E ó monte... íamos poder ir ó monte sen enchernos de barro, sen mollarnos e sen precisar mais roupa que a posta! Era, dende logo, un GRAN DÍA. E non só para nós... senón tamén para ELES!

E subía costas, subía costas... e xa empezaba a ulirse a felicidade dos que estaban fora, desfrutando do sol, e do calor, e do ceo azul despexado co fondo sonoro máis característico de Bando: os ladridos de centos e centos de cans, aínda que... ¡moitos menos que de costumbre! ¿E por qué? Porque moitos dos nosos amigos, optaron ese día por...

¡Durmir! Aínda que enseguida se levantaron para saudar :)

o de aquí de todo é CANCHI, adoptado!!!!


e incluso para facer malabarismos! É que un día de sol aquí, da para moito, moito.

o da esquerda, atrás, é TRILLIZO, bañeino este xoves pasado 14 abril GUAPO!!!!


Canchi (enriba), Psico (embaixo)
CANCHI ADOPTADO!!!! abril 2011
a canchi rapárono hai pouquiño, e adoptárono,
cando foron velo, mesmo lles gustou tanto co pelo longo, coma cando estaba rapado.


Pero imos comezar polo principio.

En canto cheguei ao refuxio, o meu amigo POLONIO veu correndo, correndo, a saudarme:

POLONIO chegou ó refuxio atropelado
rotura de cadeira, agora xa salta, pasea (pasouno moi mal)

POLONIO é un caso especial. Apareceu atropelado (cadeira ROMPIDA, PENSAMOS SERÍA A COLUMNA). Pero é moi boíño e déixase facer todo o necesario. Non podía camiñar, pero agora corre coma unha lebre de rápido! E é tan cariñosooo... e cunha forza de vontade que sorprende. Xa o primeiro día tentaba levantarse para saudar a xente e buscar mimos, e cando se lle ía visitar ao seu canil, onde estaba só para recuperarse perfectamente, berraba chamando por tí, e lambíache todo canto atopaba do teu corpo! Agora xa comparte canil con outro can máis, e está moi, moi contento. Ten unha infección nun ollo, pero seguro que enseguida se cura. Dende logo, quen o leve, levará un saco cheo de amor e agradecemento. Todos nós deberíamos ter un POLONIO na nosa vida, para recordarnos sempre seguir adiante pase o que pase, e desfrutar de cada momento da nosa vida.

POLONIO

Data de ingreso: 11/02/2011

Sexo: macho

Raza: mestizo grifón

Peso: 15 kg

Ano de nacemento: 2010

Pelo: medio

**

Logo de saudar a Polonio, e cambiar de calzado, atopeime con DEDALETA e con SETTITA. Ámbalas dúas son grandes amigas e compañeiras, e fan unha parella a mar de simpática. É precioso velas correr xuntas, e xogar. Ademais, ese día acababan de pasar por unha sesión de perruquería e tiñan o pelo brillante, liso e fino. Vamos, que estaban preparadas para ir a unha voda! Ou aínda mellor... ¡a un fogar onde as coidaran tan ben tódolos días!

DEDALETA e SETTITA adoptadas!!!!
SETTITA ADOPTADA!!!!!! abril 2011
DEDALETA ADOPTADA!!!! finais abril 2011

DEDALETA (IZQDA) : femia de setter inglés. Aproximadamente 5 anos, e 22 Kg de peso. Foi atopada fai xa un mes pola zona do Milladoiro. É moi boa e obediente.

SETITA (DCHA): femia de setter inglés. Aproximadamente 4 anos e 22 Kg de peso. Atopouse vagando pola Rúa do Vilar (Santiago de Compostela) hai xa bastante tempo.

SETTITA adoptada abril 2011

**

Pronto, chegou o momento das saídas ao monte. Aos cans encántalle camiñar polo monte........

SILBO, MACHO, 2 ANOS, 11 KG

CALLE, MACHO, 3 ANOS, 7,5 KG

.......correr, olfatear, e ¡comer herba!

DUÍDO

a duído gústalle comer herbas,

as que hai dun lado cando sobe, e as do outro cando baixa!!

Aínda que ás veces, tamén lles gusta tumbarse e desfrutar do tempo que pasan fora do refuxio.


Galo e Pinocho
PINOCHO adoptado maio 2011


(((creo que boliche)))

Non lle coñecemos o nome oficial pero nós chamámoslle "Mini-tajo" !


E @s voluntari@s tamén!!

E ao final, uns poucos de mimos, que nunca veñen de máis.

o da esquerda é armiño

Rusty
rapámolo hai uns días, tiña o pelo fatal,
e ademais estaba moi delgado

**

E para terminar a xornada, CORTE DE PELO, un bó baño, e un bó peiteado para a nosa CENICIENTA, que está adoptada e xa vai pronto para unha casa de verdade!

Cenicienta adoptada!!!! abril 2011


Sé feliz, CENICIENTA! Apenas levaba un mes no refuxio e xa atopou un bó fogar.

Ogallá tódolos días terminaran así de ben.


máis en

http://www.facebook.com/media/set/fbx/?set=a.1571237371384.2085447.1549016384

http://www.facebook.com/#!/media/set/fbx/?set=a.190517340981490.44798.100000696770263

http://www.facebook.com/#!/media/set/fbx/?set=a.200948853271672.49195.100000696770263


CORTE PELO : MÓNICA E VIR

LAVADO: VIR

SECADO E PEITEADO: OLALLA

FOTOS OLALLA

TEXTO E DESEÑO ESTELA


e subir a ollo (VIR)...

xa está!!!

ESPERO DISFRUTEDES DESTA MARABILLA!!!

1 comentario:

Maribel dijo...

QUE LINDAS FOTIÑOS NENAS! MOITAS GRAZAS!